ان تمام امور کا ایک ہی حکم نہیں ہے، بلکہ ہر عمل کا الگ شرعی حکم ہے، جس کی تفصیل درج ذیل ہے:
1۔ سجدۂ عبادت
سجدۂ عبادت صرف اور صرف اللہ تعالیٰ کا حق ہے۔ اللہ تعالیٰ کے علاوہ کسی نبی، ولی، فرشتے، بزرگ یا کسی بھی مخلوق کو عبادت کی نیت سے سجدہ کرنا صریح شرک اور کفر ہے۔
اللہ تعالیٰ ارشاد فرماتا ہے:
﴿فَاسْجُدُوا لِلّٰهِ وَاعْبُدُوا﴾
"پس اللہ ہی کو سجدہ کرو اور اسی کی عبادت کرو۔" (سورۃ النجم: 62)
2۔ سجدۂ تعظیم
سجدۂ تعظیم وہ ہے جو عبادت کی نیت سے نہیں بلکہ احترام اور تعظیم کے طور پر کیا جائے۔
یہ سابقہ امتوں میں جائز تھا، جیسا کہ حضرت یوسف علیہ السلام کے والدین اور بھائیوں نے حضرت یوسف علیہ السلام کو سجدۂ تعظیم کیا تھا۔ لیکن شریعتِ محمدیہ ﷺ میں سجدۂ تعظیم منسوخ اور حرام ہے۔
حضرت معاذ بن جبل رضی اللہ عنہ ملك شام سے واپس آئے تو انہوں نے رسول اللہ ﷺ کو سجدہ کیا۔ آپ ﷺ نے فرمایا: "ایسا نہ کرو، اگر میں کسی کو اللہ کے علاوہ سجدہ کرنے کا حکم دیتا تو عورت کو حکم دیتا کہ وہ اپنے شوہر کو سجدہ کرے۔" (سنن ابن ماجہ، جامع ترمذی، مسند احمد)
اس حدیث سے معلوم ہوا کہ کسی انسان کو تعظیم کے طور پر بھی سجدہ کرنا جائز نہیں۔
لہٰذا اگر کوئی شخص سجدۂ تعظیم کرے تو وہ گناہِ کبیرہ کا مرتکب ہوگا، لیکن جب تک اس کی نیت عبادت کی نہ ہو، اسے کافر یا مشرک نہیں کہا جائے گا۔
3۔ علماء، اولیاء اور بزرگوں کے ہاتھ یا پاؤں کا بوسہ لینا
اہلِ سنت و جماعت کے نزدیک والدین، علماء، مشائخ اور اولیائے کرام کے ہاتھ کا بوسہ ادب و احترام کی نیت سے لینا جائز بلکہ بعض صورتوں میں مستحب ہے۔
حضرت زارع بن عامر رضی اللہ عنہ فرماتے ہیں:
"ہم دوڑتے ہوئے رسول اللہ ﷺ کی خدمت میں حاضر ہوئے اور آپ ﷺ کے دستِ مبارک اور قدمِ مبارک کو بوسہ دیا۔"
(الادب المفرد للإمام البخاری، حدیث: 975، سنن ابی داؤد، کتاب الأدب، والسنن الکبریٰ للبیہقی)
اعلیٰ حضرت امام احمد رضا خان رحمۃ اللہ علیہ فرماتے ہیں کہ صالح نیت کے ساتھ علماء اور اولیاء کے ہاتھ یا قدم کا بوسہ لینا: "مستحب، مندوب، مسنون اور محبوب ہے۔"(فتاویٰ رضویہ)
لہٰذا کسی عالمِ دین، پیرِ کامل یا بزرگ کے ہاتھ یا قدم کا بوسہ محض ادب و محبت کی نیت سے لینا جائز ہے، بشرطیکہ اس میں غلو، فتنہ یا ناجائز عقیدہ شامل نہ ہو۔
4۔ مزار پر چادر پیش کرنا
اولیائے کرام کے مزارات پر چادر پیش کرنا اہلِ سنت کے نزدیک فی نفسہٖ ناجائز نہیں، بشرطیکہ اس کے ساتھ کوئی خلافِ شرع عقیدہ یا رسم شامل نہ ہو۔
البتہ بہت سے علماء نے یہ بھی فرمایا ہے کہ اگر مزار پہلے ہی مناسب چادر سے مزین ہو تو نئی چادر چڑھانے کے بجائے اس کی قیمت غریبوں، مساجد یا دینی کاموں میں خرچ کرنا زیادہ بہتر ہے، کیونکہ اس میں زیادہ نفع اور ثواب ہے۔
5۔ مزار کو بوسہ دینا
مزار یا قبر کو بوسہ دینے کے مسئلے میں اہلِ علم کے درمیان تفصیل پائی جاتی ہے۔
بعض علماء نے ادب و محبت کی نیت سے اس کی گنجائش بیان کی ہے، جبکہ بہت سے علماء نے احتیاط کا قول اختیار کرتے ہوئے اس سے بچنے کو بہتر قرار دیا ہے، تاکہ عوام میں غلو یا غلط فہمی پیدا نہ ہو اور ایسے افعال سے اجتناب رہے جو عبادت سے مشابہ معلوم ہوں۔
امام اہل سنت امام احمد رضا خان رحمۃ اللہ علیہ فرماتے ہیں:” اس مسئلہ میں بہت اختلاف ہے۔ بکثرت اکابر جواز و منع دونوں طرف ہیں اور عوام کے لئے زیادہ احتیاط "منع" میں ہے۔ خصوصا مزارات طیبہ اولیاء کرام پر کہ ان کے اتنا قریب جانا ادب کے خلاف ہے۔ کم از کم چار ہاتھ فاصلے سے کھڑا ہو۔ “(فتاوی رضویہ ،جلد 22 ،صفحہ 419 ، رضا فاؤنڈیشن ، لاہور)
لہٰذا احتیاط اسی میں ہے کہ مزارات کی زیارت ادب و احترام، سلام، دعا اور ایصالِ ثواب تک محدود رکھی جائے اور ایسے افعال سے بچا جائے جن سے اختلاف یا فتنہ پیدا ہو۔
بالوں میں سیاہ رنگ لگانے کا شرعی حکم - Balon Mein Black Color Lagane Ka Shara'i Hukm
In tamam a'maal ka ek hi hukum nahin hai, balkeh har amal ka alag shar'i hukum hai, jis ki tafseel darj-e-zail hai:
1. Sajda-e-Ibadat
Sajda-e-Ibadat sirf aur sirf Allah Ta'ala ka haq hai. Allah Ta'ala ke siwa kisi Nabi, Wali, Farishte, Buzurg ya kisi bhi makhlooq ko ibadat ki niyyat se sajdah karna sareeh shirk aur kufr hai.
Allah Ta'ala irshad farmata hai:
"Pas Allah hi ko sajdah karo aur usi ki ibadat karo." (Surah An-Najm: 62)
2. Sajda-e-Ta'zeem
Sajda-e-Ta'zeem woh hai jo ibadat ki niyyat se nahin balkeh izzat aur ta'zeem ke taur par kiya jaye.
Yeh pichhli ummaton mein jaiz tha, jaisa ke Hazrat Yusuf Alaihissalam ke walidain aur bhaiyon ne unhein Sajda-e-Ta'zeem kiya tha. Lekin Shari'at-e-Muhammadi ﷺ mein Sajda-e-Ta'zeem mansookh aur haraam hai.
Hazrat Mu'az bin Jabal RaziAllahu Anhu mulk-e-Shaam se wapas aaye to unhon ne Rasoolullah ﷺ ko sajdah kiya. Aap ﷺ ne farmaya:
"Aisa na karo. Agar main Allah ke siwa kisi ko sajdah karne ka hukum deta to aurat ko hukum deta ke woh apne shohar ko sajdah kare."
(Sunan Ibn Majah, Jami' Tirmizi, Musnad Ahmad)
Is Hadees se maloom hua ke kisi insan ko ta'zeem ke taur par bhi sajdah karna jaiz nahin.
Lehaza agar koi Sajda-e-Ta'zeem kare to woh gunah-e-kabeerah ka murtakib hoga, lekin jab tak us ki niyyat ibadat ki na ho use kafir ya mushrik nahin kaha jayega.
Ahl-e-Sunnat wal Jama'at ke nazdeek walidain, Ulama, Mashaikh aur Auliya-e-Kiram ke haath ka boosa adab aur ehtiraam ki niyyat se lena jaiz, balkeh ba'az sooraton mein mustahab hai.
Hazrat Zari' bin Amir RaziAllahu Anhu farmate hain:
"Hum daurte hue Rasoolullah ﷺ ki khidmat mein hazir hue aur Aap ﷺ ke dast-e-mubarak aur qadam-e-mubarak ka boosa diya."
(Al-Adab Al-Mufrad, Hadees: 975, Sunan Abi Dawood, As-Sunan Al-Kubra Lil-Bayhaqi)
A'la Hazrat Imam Ahmad Raza Khan Rahmatullahi Alaih farmate hain ke saleh niyyat ke saath Ulama aur Auliya ke haath ya qadam ka boosa lena mustahab, mandoob, masnoon aur mahboob hai. (Fatawa Razawiyyah)
Lehaza kisi Aalim-e-Deen, Peer-e-Kamil ya Buzurg ke haath ya qadam ka boosa sirf adab aur muhabbat ki niyyat se lena jaiz hai, bashart-e-ke us mein ghulu, fitnah ya koi najaiz aqeedah shamil na ho.
4. Mazar Par Chadar Pesh Karna
Auliya-e-Kiram ke mazarat par chadar pesh karna Ahl-e-Sunnat ke nazdeek fi-nafsihi najaiz nahin, bashart-e-ke us ke saath koi khilaf-e-shar' aqeedah ya rasm shamil na ho.
Albatta bohot se Ulama ne yeh bhi farmaya hai ke agar mazar pehle hi munasib chadar se muzayyan ho to nayi chadar chadhane ke bajaye us ki qeemat ghareebon, masajid ya deeni kaamon mein kharch karna zyada afzal aur zyada sawab ka ba'is hai.
5. Mazar Ko Boosa Dena
Mazar ya qabr ko boosa dene ke masle mein Ahl-e-Ilm ke darmiyan tafseel aur ikhtilaf paya jata hai.
Ba'az Ulama ne adab aur muhabbat ki niyyat se is ki gunjaish bayan ki hai, jabke bohot se Ulama ne ehtiyaat ka qoul ikhtiyar karte hue is se bachne ko behtar qarar diya hai, taa ke awaam mein ghulu ya ghalat fehmi paida na ho aur aise af'aal se ijtinab rahe jo ibadat se mushabihat rakhte hon.
Imam Ahl-e-Sunnat Imam Ahmad Raza Khan Rahmatullahi Alaih farmate hain:
"Is masle mein bohot ikhtilaf hai. Kasrat se Akabir ne jawaz aur mana' dono qoul farmaye hain. Awaam ke liye zyada ehtiyaat mana' mein hai, khaas taur par mazarat-e-tayyibah Auliya-e-Kiram par, kyun ke itna qareeb jana bhi adab ke khilaf hai. Kam az kam chaar haath ke fasle se khara ho."
(Fatawa Razawiyyah, Jild 22, Safha 419, Raza Foundation, Lahore)
Lehaza ehtiyaat isi mein hai ke mazarat ki ziyarat adab-o-ehtiraam, salam, dua aur isaal-e-sawab tak mahdood rakhi jaye aur aise af'aal se bacha jaye jin se ikhtilaf ya fitnah paida ho.
نئی اسلامی پوسٹس حاصل کرنے کے لیے Subscribe کریں۔
قرآن و سنت کی روشنی میں "فقہی مسائل و اسلامی معلومات حاصل کریں"
🌿 Roman Urdu • Urdu • English Islamic Knowledge
