اسلام میں عام قبروں کو پختہ (پکا) کرنے سے منع فرمایا گیا ہے، لیکن بزرگانِ دین، اولیاء اللہ اور مشاہیرِ اسلام کی قبور کے تحفظ اور زائرین کی سہولت کے لیے ان کے ارد گرد پکی عمارت یا مزار بنانے کو سلف صالحین نے جائز قرار دیا ہے۔
اس مسئلے کی تفصیلی حقیقت درج ذیل نکات کی روشنی میں سمجھی جا سکتی ہے:
1۔ مزارات کے اطراف پکی عمارت بنانا:
حدیث شریف میں قبر کو پکا کرنے اور اس پر عمارت بنانے کی جو ممانعت آئی ہے، اس سے مراد عام قبریں ہیں۔ جہاں تک اولیاء اور علماء کا تعلق ہے، ان کے اطراف عمارت بنانا جائز ہے۔ مشہور محدث ملا علی قاری رحمہ اللہ مسلم شریف کی شرح میں فرماتے ہیں:
"وقد أباح السلف البناء على قبر المشايخ والعلماء المشهورين ليزورهم الناس ويستريحوا بالجلوس فيه"
ترجمہ: (سلف صالحین نے مشہور مشائخ اور علماء کی قبروں پر عمارت بنانے کو مباح (جائز) قرار دیا ہے تاکہ لوگ ان کی زیارت کر سکیں اور وہاں بیٹھ کر راحت پا سکیں)۔
اس کا مقصد یہ ہوتا ہے کہ لوگ صاحبِ مزار کا احترام کریں، ان کی نشانی محفوظ رہے اور زائرین بے ادبی کے گناہ سے بچ سکیں۔ رسول اللہ ﷺ کے روضہ مبارک کے اطراف پکی عمارت کا ہونا بھی اس کی واضح مثال ہے۔
2۔ مزارات پر مجاورین کا بیٹھنا:
صحیح مسلم کی حدیث میں قبروں پر بیٹھنے اور ان کی طرف رخ کر کے نماز پڑھنے سے منع کیا گیا ہے (تاکہ ان کی بے حرمتی نہ ہو یا شرک کا شائبہ نہ رہے)۔ مزارات پر جو مجاورین بیٹھتے ہیں، وہ اصل قبر پر نہیں بیٹھتے بلکہ مزار کے احاطے یا عمارت میں بیٹھتے ہیں۔ ان کا وہاں بیٹھنا جائز اور مفید ہے، کیونکہ وہ زائرین کی رہنمائی کرتے ہیں، انہیں زیارت کا صحیح طریقہ بتاتے ہیں، مزار کی صفائی کا خیال رکھتے ہیں اور لوگوں کو صاحبِ مزار کی بے ادبی یا غیر شرعی کاموں سے روکتے ہیں۔
3۔ مزارات پر پھول، عطر اور چومنے کا حکم:
· پھول اور عطر: مزار پر صرف پھول یا عطر لے جانے کی گنجائش ہے، لیکن یہ بھی کوئی لازمی یا فرض چیز نہیں ہے۔ اس کے علاوہ اگر بتی، ناریل، شیرینی یا کھانا وغیرہ مزار پر چڑھانا درست نہیں ہے۔
· مزار کو چومنا: امام اہل سنت امام احمد رضا خان رحمہ اللہ کے فتاویٰ کے مطابق مزار کو ہونٹوں سے چومنے (بوسہ دینے) سے منع کیا گیا ہے۔ اگر کوئی عقیدت میں ہاتھ لگا کر ہاتھ چوم لے تو حرج نہیں، لیکن نہ چومنا ہی زیادہ بہتر اور پسندیدہ ہے اور طواف بالاتفاق ناجائز ہے اور سجدہ حرام۔ (فتاویٰ رضویہ)
زیارت کا سب سے عمدہ طریقہ:
مزارات پر حاضری کا سب سے بہترین طریقہ یہ ہے کہ صاحبِ مزار کی قبر سے تھوڑا دور فاصلے پر ادب سے کھڑے ہوں یا بیٹھیں، سلام کریں پھرتلاوتِ قرآن اور ذکر و اذکار کریں، اور اس کا ثواب صاحبِ مزار کو ایصال کریں۔ وہاں کسی بھی قسم کے غیر شرعی کام یا سجدہ تعظیمی سے سخت پرہیز کریں۔
Islam mein aam qabron ko pakka (cement ya pathar se mazboot) karne se mana farmaya gaya hai. Albatta buzurgan-e-deen, Auliya Allah aur mashhoor Ulama ki qabron ki hifazat aur zairin ki sahulat ke liye un ke atraaf pakki imarat ya mazar banana ko Salaf-e-Saliheen ne jaiz qarar diya hai.
Is masle ko behtar samajhne ke liye chand aham nuqat mulahiza farmayen:
1. Mazarat Ke Atraaf Pakki Imarat Banana
Ahadees mein qabr ko pakka karne aur us par imarat banane ki jo mumani'at aayi hai, us se murad aam qabrein hain. Jahan tak Auliya-e-Kiram aur mashhoor Ulama ka ta'alluq hai, to un ki qabron ke atraaf hifazat aur pehchan ke liye imarat banana baaz fuqaha ke nazdeek jaiz hai.
Mashhoor muhaddith Mulla Ali Qari Rahmatullahi Alaih Muslim Shareef ki sharah mein farmate hain:
"وقد أباح السلف البناء على قبر المشايخ والعلماء المشهورين ليزورهم الناس ويستريحوا بالجلوس فيه"
Tarjuma:
"Salaf-e-Saliheen ne mashhoor mashayikh aur ulama ki qabron par imarat
banane ko jaiz qarar diya, taa ke log un ki ziyarat kar saken aur wahan baith
kar rahat hasil kar saken."
Is ka maqsad qabr ki ibadat nahin, balkeh sahib-e-mazar ki pehchan, hifazat aur zairin ko be-adabi se bachana hota hai.
2. Mazarat Par Mujawireen Ka Baithna
Sahih Muslim ki hadees mein qabron par baithne aur un ki taraf rukh karke namaz padhne se mana farmaya gaya hai.
Lekin jo mujawireen mazar ke Ehate ya imarat mein baithte hain, woh asal qabr par nahin baithte.
Un ka maqsad zairin ki rehnumai karna, ziyarat ka sahi tareeqa batana, mazar ki safai ka ehtemam karna aur logon ko ghair sharai kamon se rokna hota hai.
3. Mazar Par Phool, Ittar Aur Choomna
- Phool aur Ittar: Mazar par phool ya ittar le jana jaiz hai, lekin yeh lazmi ya Sunnat-e-Muakkadah nahin. Agar batti, nariyal, sheerni ya doosri ghair sharai rasoom ko deen ka hissa samajh kar kiya jaye to us se bachna chahiye.
- Mazar Ko Choomna: Imam Ahmad Raza Khan Rahmatullahi Alaih ne mazar ko honton se choomne se mana farmaya hai. Agar koi adab ke taur par haath laga kar apna haath choom le to baaz ulama ne is ki gunjaish likhi hai, lekin na choomna hi afzal aur zyada ehtiyat ka tareeqa hai.
Tawaf karna bil-ittifaq na-jaiz hai aur sajdah karna haraam hai.
Ziyarat Ka Behtareen Tareeqa
Mazar par adab ke saath hazir hon, thoda fasla rakh kar salam arz karen, Qur'an-e-Kareem ki tilawat, zikr aur dua karen aur us ka sawab sahib-e-mazar ko isal karen. Har qisam ke ghair sharai aqeede, sajdah, tawaf aur be-adabi se bachna zaroori hai.
Is it permissible to build shrines over graves in Islam? What is the ruling on caretakers, flowers, chadors, and kissing the shrine?
Islam discourages constructing permanent structures over ordinary graves. However, many classical Hanafi scholars permitted protective structures around the graves of renowned scholars and saints for preservation, identification, and the convenience of visitors—not for worship.
Caretakers (Mujawirs) may remain in the shrine's surrounding area to guide visitors, maintain cleanliness, and prevent disrespect, provided they are not sitting on the actual grave.
Placing flowers or perfume is permissible but not obligatory. Practices such as offering incense, food, or other customs without Shar'i basis should be avoided.
Kissing the shrine is discouraged by many scholars, while prostrating to or circumambulating (tawaf) a grave is prohibited.
The proper way to visit a grave is to offer Salam, recite the Qur'an, make dua, and convey the reward (Isal al-Thawab) to the deceased while avoiding all un-Islamic practices.
والله ورسوله اعلم بالصواب
محمد عظمت الله نظامي عفی عنہ
نئی اسلامی پوسٹس حاصل کرنے کے لیے Subscribe کریں۔
قرآن و سنت کی روشنی میں "فقہی مسائل و اسلامی معلومات حاصل کریں"
🌿 Roman Urdu • Urdu • English Islamic Knowledge
No comments:
Post a Comment