السلام عليكم ورحمة الله وبركاته
بسم الله الرحمن الرحيم
الحمد لله رب العالمين والصلاة والسلام على أشرف الأنبياء والمرسلين وعلى آله وصحبه اجمعين أما بعد
سوال:-
السلام علیکم
کیا غیر مسلم کو اسلام کی دعوت دینا ضروری ہے؟ ہماری آفس میں کثیر تعداد میں غیر مسلم کام کرتے ہیں۔ اگر ہم دعوت دئے بغیر فوت جائیں تو کیا اللہ آخرت میں ہمیں معاف کر دے گا؟
Sawal:-
Assallamualaikum
Kya Non Muslim ko Islam ki dawat dena zarori hai? Hamari office main kaseer
tadaad main Gair Muslim kaam karte hain. Agar hum dawat diye bagair mar jaye
toh kya akhirat me Allah hame maaf karde-ga?
Mard ke liye sona pehnana haraam hai - اسلام میں مرد کیلئے سونا پہننا حرام ہے
جواب: -✍
وعلیکم السلام
قرآن شريف:
كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِٱلْمَعْرُوفِ وَتَنْهَوْنَ عَنِ ٱلْمُنكَرِ وَتُؤْمِنُونَ بِٱللَّهِ (آل عمران ۱۱۰)
ترجـمـہ:
تم بہترین اُمّت ہو جو سب لوگوں (کی رہنمائی) کے لئے ظاہر کی گئی ہے، تم بھلائی کا حکم دیتے ہو اور برائی سے منع کرتے ہو اور اللہ پر ایمان رکھتے ہو۔
امتِ پر لوگوں کو نیکی کی دعوت دینا اور برائی سے روکنا فرض قرار دیا ہے جس میں مسلم اور غیر مسلم دونوں شامل ہیں۔
قرآن کریم نے رسول اللہ صلی اللہ علیہ وسلم کو تبلیغ کے عملی مراحل اور اصول سکھاتے ہوئے فرمایا:
قرآن شريف:
ٱدْعُ إِلَىٰ سَبِيلِ رَبِّكَ بِٱلْحِكْمَةِ وَٱلْمَوْعِظَةِ ٱلْحَسَنَةِ ۖ وَجَٰدِلْهُم بِٱلَّتِى هِىَ أَحْسَنُ ۚ (سورة النحل)
ترجـمـہ:
(اے اللہ کے رسول) اپنے رب کے راستے کی طرف حکمت اور اچھی نصیحت کے ساتھ بلاؤ اور ان سے اس انداز میں بحث کرو جو بہت خوبصورت ہو (جو نہایت حسین ہو)۔
لیکن ہر شخص کو اپنی استطاعت کے مطابق یہ فرض ادا کرنا چاہیے۔ جیسا کہ حضور نبی اکرم صلی اللہ علیہ وآلہ وسلم نے واضح طور پر ہر ایک کے لیے ارشاد فرمایا ہے، جسے ''امر بالمعروف اور نہی عن المنکر'' کہا جاتا ہے۔
حديث شريف:
«مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ». (صحيح مسلم)
ترجـمـہ:
میں نے رسول اللہ ﷺ سے سنا ، آپ فرما رہے تھے :’’ تم میں سے جو شخص منکر ( ناقابل قبول کام ) دیکھے اس پر لازم ہے کہ اسے اپنے ہاتھ سے روکے اور اگر اس کی طاقت نہ رکھتا ہو تو اپنی زبان سے اس کو روکے اور اگر اس کی بھی طاقت نہ رکھتا ہو تو اپنے دل سے (اسے برا سمجھے اور اس کے روکنے کی مثبت تدبیر سوچے) اور یہ سب سے کمزور ایمان ہے۔‘‘
امر بالمعروف اور نہی عن المنکر سے مراد برائیوں سے روکنے اور بھلائی (نیکی) کا حکم دینے کے لئے حدود اللہ کی پابندی کرتے ہوئے ہر ممکن کوشش کرنا فرض ہے، لیکن جس میں جیسی اہلیت (استطاعت) ہو اس کے حق میں اسی قدر ذمہ داری ہوگی، ہر مومن اپنی حیثیت کے مطابق پابند ہے کہ وہ حضرت رسول مكرم صلی اللہ علیہ وسلم کی ہدایات کے مطابق خدا کے نازل کردہ دین کو پہنچاتا رہے۔
اس زمانے میں روئے زمین پر کوئی ایسی جگہ نہیں جہاں کوئی اسلام سے آشنا نہ ہو اور جہاں اسلام نہ پہنچا ہو۔ جہاں اسلام نہیں پہنچا وہاں ایک فرد بھی اسلام کا پیغام پہنچاتا ہے تو یہ فرض تمام مسلمانوں کی طرف سے ادا ہو گیا۔
کیونکہ اس دور میں اسلام کی شہرت بذات خود ایک دعوت کے طور پر پوری دنیا میں پھیل چکی ہے، اس لیے اب یہ ذمہ داری خود ان لوگوں پر عائد ہوتی ہے کہ وہ مختلف مذاہب کی تحقیق کر کے صحیح اور غلط مذہب کو پہچانیں اور کونسا مذہب حق ہے اس پر عمل کریں۔
لہٰذا ہندوستانی غیر مسلم جو اسلام سے واقف ہے، اسکو اسلام کی دعوت نہ دینے پر اميد ہے کہ ایک مسلمان سے آخرت میں سوال نہیں ہوگا۔
لیکن اگر ان سے بے تکلفی ہے یا یہ امید ہے کہ اگر انہیں اسلام کی دعوت دی جائے تو وہ قبول کر لیں گے، پھر انہیں اسلام کی دعوت دی جا سکتی ہے۔
لیکن اچھے طریقے اور حکمت عملی سے کام لینا بہت ضروری ہے تاکہ غیر مسلم کے دل میں اسلام کی سچائی پیدا ہو نہ کہ وہ اسلام سے نفرت کرے۔
Jawab: ✍
Walaikum Assalam
Qur’aan Shareef:
كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِٱلْمَعْرُوفِ وَتَنْهَوْنَ عَنِ ٱلْمُنكَرِ وَتُؤْمِنُونَ بِٱللَّهِ (آل عمران ۱۱۰)
Tarjumah:
Tum behtareen Ummat ho jo sab logon (ki rahnumai) ke liye zahir ki gayi hai, tum bhalai ka hukum dete ho aur buraiee se mana karte ho aur Allah par imaan rakhtay ho.
Ummate par logon ko neki ki dawat dena aur buraiee se rokna farz qarar diya hai jis main muslim aur ghair muslim dono shaamil hain.
Quran kareem ne Rasool Allah (صلی اللہ علیہ وسلم) ko tableegh ke amali marahil (Practical Steps) aur usool sikhate hue farmaya:
Qur’an Shareef:
ٱدْعُ إِلَىٰ سَبِيلِ رَبِّكَ بِٱلْحِكْمَةِ وَٱلْمَوْعِظَةِ ٱلْحَسَنَةِ ۖ وَجَٰدِلْهُم بِٱلَّتِى هِىَ أَحْسَنُ ۚ (سورة النحل)
Tarjumah:
(Aye Allah ke Rasool) apne rab ke rastay ki taraf hikmat aur achi naseehat ke sath bulaao aur un se is andaaz main behas karo jo bohat khubsorat ho (Jo nihayat haseen ho).
Lekin har shakhs ko apni isteta’at (Affordability) ke mutabiq yeh farz ada karna chahiye. Jaisa ke Huzoor Nabi-e-Akram (صلی اللہ علیہ وآلہ وسلم) ne wazeh tor par har ek ke liye irshad farmaya hai, jisay “امر بالمعروف اور نہی عن المنکر” kaha jata hai.
Hadees Shareef:
«مَنْ رَأَى مِنْكُمْ مُنْكَرًا فَلْيُغَيِّرْهُ بِيَدِهِ، فَإِنْ لَمْ يَسْتَطِعْ فَبِلِسَانِهِ، فَإِنْ لَمْ يَسْتَطِعْ فَبِقَلْبِهِ، وَذَلِكَ أَضْعَفُ الْإِيمَانِ».
Tarjumah:
Tum main se jo shakhs munkir (Na qabil qubool kaam) dekhe us par lazim hai ke usay apne haath se rokay aur agar us ki taaqat nah rakhta ho to apni zabaan se us ko rokay aur agar us ki bhi taaqat nah rakhta ho to apne dil se (usay bura samjhay aur us ke roknay ki tadbeer soochey) aur yeh sab se kamzor imaan hai.
“Amar bil-marof aur naahi an al-munkar” se morad buraiyon se roknay aur bhalai (Neki) ka hukum daynay ke liye Allah ke hudood ki pabandi karte hue har mumkin koshish karna farz hai, lekin jis main jaisi ahliat (Affordability) ho us ke haq main usi qader zimma daari hogi, har momin apni hesiyat ke mutabiq paband hai ke woh Hazrat Rasool Allah (صلی اللہ علیہ وآلہ وسلم) ki Hadayat ke mutabiq Allah ke nazil kardah deen ko pohanchata rahay.
Is zamane main zameen par koi aisi jagah nahi jahan koi Islam se aashna (familiar) nah ho aur jahan islam nah pouncha ho. jahan islam nahi pouncha wahan ek fard bhi islam ka pegham pohanchata hai to yeh farz tamam musalmanoon ki taraf se ada ho gaya.
Kyun-kay is daur main Islam ki shohrat bazat-e-khud ek dawat ke tor par poori duniya main phail chuki hai, is liye ab yeh zimma daari khud unhi logon par hai ke woh mukhtalif mazahab ki tehqeeq kar ke sahih aur ghalat mazhab ko pehchane aur konsa mazhab haq hai us par amal karen .
Lehaza Hindustani ghair Muslim jo Islam se waaqif hai, usko islam ki dawat nah daynay par umeed hai ke ek musalman se akhirat main sawal nahi hoga.
Lekin agar un se be takalufi (Frankness) hai ya yeh umeed hai ke agar unhen Islam ki dawat di jaye to woh qubool kar len-ge, phir Unhen Islam ki dawat di ja sakti hai.
Lekin achay tareeqay aur hikmat-e-amli se kaam lena bohat zaroori hai taakay ghair muslim ke dil main Islam ki sachchaai paida ho, nah ke woh Islam se nafrat kere.
واللہ ورسولہ اعلم ، عزوجل وصلی اللہ تعالی علیہ وسلم
محمد عظمت الله نظامي عفی عنہ
Share, like, twitter, Pinterest
Follow this Blog
Fiqhi Masail-Namaz, Roza, Zakat & Digar ke liye yaha click karen
Contact karne ke liye yaha click karen
