Thursday, June 11, 2026

امریکہ میں رہ کر ہندوستان میں قربانی کروانے کا شرعی حکم | وکالتاً قربانی کے مسائل - America Mein Reh Kar Hindustan Mein Qurbani Karwane Ka Sharai Hukum | Wakalatan Qurbani Ke Masail

بِسْمِ اللَّهِ الرَّحْمَٰنِ الرَّحِيمِ

ٱلْحَمْدُ لِلَّهِ رَبِّ ٱلْعَالَمِينَ وَٱلصَّلَاةُ وَٱلسَّلَامُ عَلَىٰ أَشْرَفِ ٱلْأَنْبِيَاءِ وَٱلْمُرْسَلِينَ وَعَلَىٰ آلِهِ وَصَحْبِهِ أَجْمَعِينَ^ط اَمَّا بَعْدُ^۝

سوال:-

کیا فرماتے ہیں علمائے دین و مفتیان شرع متین اس مسئلہ میں کہ اگر کوئی شخص امریکہ میں مقیم ہو اور اپنی قربانی ہندوستان میں کروانا چاہتا ہو جب کہ ہندوستان میں عید کی نماز امریکہ سے 12 یا 14 گھنٹے پہلے ہو جاتی ہے تو کیا ایسی صورت میں قربانی درست ہوگی، کیا صاحب قربانی کی نماز عید کی ادئیگی سے قبل اس کے نام کی قربانی درست ہے؟ مذکورہ مسئلہ کا کیا حکم ہے؟ شرعی رہنمائی فرمائیں ۔

Sawal:

Kya farmate hain Ulama-e-Deen aur Muftiyan-e-Shara-e-Mateen is masle mein ke agar koi shakhs America mein muqeem ho aur apni qurbani Hindustan mein karwana chahta ho jab ke Hindustan mein Eid ki namaz America se 12 ya 14 ghante pehle ho jati ho to kya aisi surat mein qurbani durust hogi? Kya sahib-e-qurbani ki namaz-e-Eid ki adaeegi se qabl us ke naam ki qurbani durust hai? Mazkoora masle ka kya hukm hai? Sharai rehnumai farmaen.

جواب:✍

اگر کوئی شخص دوسرے علاقہ یا ملک کے باشندہ کو اپنی جانب سے قربانی کرنے کے لئے کہے تو یہ وکالته قربانی ہے، وکالته قربانی کے جائز و درست ہونے کے لئے ضروری ہے کہ مؤکل (صاحب قربانی ) اور وکیل ( قربانی کرنے والے) دونوں کے ملکوں میں قربانی کا وقت موجود ہو یعنی قربانی کا وقت شروع ہو چکا ہو اور وقت باقی بھی ہو کیونکہ قربانی ایسی عبادت ہے جو اپنے وقت کے ساتھ واجب ہوتی ہے، وقت سے پہلے نہیں جیسے نماز و روزہ، اگر کوئی مخص فجر کا وقت شروع ہونے سے پہلے نماز فجر پڑھے تو اس کا فرض ادا نہ ہوگا، اور رمضان سے قبل فرض روزہ نہیں ہوگا، اسی طرح قربانی کا وقت آنے سے پہلے کوئی شخص قربانی کروادے تو چونکہ وقت سے پہلے اُس پر قربانی واجب ہی نہ ہوئی تو واجب قربانی ادا نہ ہوگی، بلکہ قربانی کا وقت شروع ہونے کے بعد قربانی کرنا لازم ہوگا۔

قربانی کرنے کے لئے وقت کا لحاظ رکھنے کے ساتھ جانور میں ان تمام امور کوملحوظ رکھنا ضروری ہے جن کے بغیر قربانی درست نہیں ہوتی لہذا کسی کو وکیل بنا کر قربانی کروانے والے شخص کو چاہئے کہ کسی ایسے قابل اعتماد، امانت دار شخص یاذ مہ دار ادار ے کو قربانی کرنے کا وکیل بنائے جو شرعی اصول وضوابط کے مطابق قربانی کرتا ہو۔

نیز وکیل و موکل دونوں کے ممالک میں قربانی کا وقت باقی رہنا ضروری ہے اس لئے کہ اگر کوئی شخص ایام قربانی میں قربانی نہ کر سکے تو اب اس کے لئے قربانی کرنے کا حکم نہیں بلکہ وہ اگر جانور خرید چکا تھا تو زندہ جانور صدقہ کرے ورنہ جانور کی قیمت صدقہ کرے۔

بنابریں امریکہ میں مقیم شخص اگر ہندوستان میں رہنے والے کسی شخص کے ذریعہ قربانی کروانا چاہتا ہے تو یہ بات ملحوظ رہے کہ امریکہ میں دسویں ذی الحجہ کی صبح شروع ہونے سے پہلے ہندوستانی شخص وہاں کے باشندہ کی طرف سے قربانی کرنے میں جلدی نہ کرے، کیونکہ قربانی وقت سے پہلے واجب نہیں ہوتی ، بلکہ جب وہاں وقت قربانی داخل ہو جائے تو وہاں کے باشندہ کی طرف سے اب یہ اپنے ملک میں وکالتہ قربانی کر سکتا ہے۔

نیز ہر دو مقامات پر ایام قربانی جب تک رہیں اس کا لحاظ کرتے ہوئے دوسرے تیسرے دن بھی قربانی کر سکتا ہے، بہر صورت دونوں مقامات پر ایام قربانی ہوں تو ہی وکالتہ قربانی درست رہے گی ۔

اگر صاحب قربانی کے ملک میں ایام قربانی گزر جائیں اور مقام قربانی میں ایام قربانی ہوں تو اب وکالتہ قربانی نہیں کی جاسکتی کیونکہ صاحب قربانی کے حق میں وقت قربانی فوت ہو چکا ہے۔

Jawab:✍

Agar koi shakhs doosre ilaqe ya mulk ke bashinde ko apni janib se qurbani karne ke liye kahe to yeh wakalatan qurbani (proxy sacrifice) hai. Wakalatan qurbani ke jaiz aur durust hone ke liye zaroori hai ke muwakkil (sahib-e-qurbani) aur wakeel (qurbani karne wala) dono ke mulkon mein qurbani ka waqt maujood ho, yani qurbani ka waqt shuru ho chuka ho aur waqt baqi bhi ho, kyun ke qurbani aisi ibadat hai jo apne waqt ke saath wajib hoti hai، waqt se pehle nahi jaise namaz aur roza۔

Agar koi shakhs Fajr ka waqt shuru hone se pehle namaz-e-Fajr parhe to us ka farz ada na hoga، aur Ramzan se pehle farz roza bhi ada na hoga۔ Isi tarah qurbani ka waqt aane se pehle agar koi shakhs qurbani karwa de to chunanche waqt se pehle us par qurbani wajib hi na hui، is liye wajib qurbani ada na hogi، balkeh qurbani ka waqt shuru hone ke baad qurbani karna lazim hoga۔

Qurbani karne ke liye waqt ka lihaz rakhne ke saath janwar mein un tamam umoor (matters) ko malhooz rakhna zaroori hai jin ke baghair qurbani durust nahi hoti۔ Lehaza kisi ko wakeel bana kar qurbani karwane wale shakhs ko chahiye ke kisi aise qabil-e-aitemad (trustworthy)، amanatdar shakhs ya zimmedar idare ko qurbani karne ka wakeel banaye jo sharai usool-o-zawabit (principles and regulations) ke mutabiq qurbani karta ho۔

Nez wakeel aur muwakkil dono ke mumalik mein qurbani ka waqt baqi rehna bhi zaroori hai۔ Is liye ke agar koi shakhs ayam-e-qurbani mein qurbani na kar sake to ab us ke liye qurbani karne ka hukm nahi، balkeh agar us ne janwar khareed liya tha to zinda janwar sadqah kare، warna janwar ki qeemat sadqah kare۔

Bina bareen America mein muqeem shakhs agar Hindustan mein rehne wale kisi shakhs ke zariye qurbani karwana chahta hai to yeh baat malhooz rahe ke America mein 10 Zul Hijjah ki subah shuru hone se pehle Hindustani shakhs wahan ke bashinde ki taraf se qurbani karne mein jaldi na kare، kyun ke qurbani waqt se pehle wajib nahi hoti۔ Balkeh jab wahan waqt-e-qurbani dakhil ho jaye to wahan ke bashinde ki taraf se ab yeh apne mulk mein wakalatan qurbani kar sakta hai۔

Nez dono maqamat par ayam-e-qurbani jab tak baqi rahen uss ka lihaz rakhte hue doosre ya teesre din bhi qurbani ki ja sakti hai۔ Bahar surat dono maqamat par ayam-e-qurbani hon to hi wakalatan qurbani durust rahe gi۔

Agar sahib-e-qurbani ke mulk mein ayam-e-qurbani guzar jayein aur maqam-e-qurbani mein ayam-e-qurbani baqi hon to ab wakalatan qurbani nahi ki ja sakti، kyun ke sahib-e-qurbani ke haq mein waqt-e-qurbani faut (expired) ho chuka hai.

Like & Share on Whatsapp, Facebook, twitter, Pinterest.