Monday, December 29, 2025

کیا مسلمان خون کا عطیہ دے سکتا ہے؟ - Kya musalman khoon (Blood) ka atiya de sakta hai?

بِسْمِ اللَّهِ الرَّحْمَٰنِ الرَّحِيمِ

ٱلْحَمْدُ لِلَّهِ رَبِّ ٱلْعَالَمِينَ وَٱلصَّلَاةُ وَٱلسَّلَامُ عَلَىٰ أَشْرَفِ ٱلْأَنْبِيَاءِ وَٱلْمُرْسَلِينَ وَعَلَىٰ آلِهِ وَصَحْبِهِ أَجْمَعِينَ^ط اَمَّا بَعْدُ^۝

سوال:-

کیا مسلمان خون (Blood) کا عطیہ دے سکتا ہے؟

Sawal:

Kya musalman khoon (Blood) ka atiya de sakta hai?

Kya eyebrows blading jaaiz hai?-كيا آئيـبرو بلیڈنگ جائز ہے؟

جواب:✍

جی ہاں، مسلمان خون کا عطیہ دے سکتا ہے، بلکہ اگر اس کا مقصد کسی انسان کی جان بچانا یا علاج میں مدد کرنا ہو تو یہ عمل شرعاً جائز ہے، بشرطیکہ خون دینے والے کی صحت کو نقصان نہ پہنچے۔

قرآنِ کریم میں اللہ تعالیٰ نے ایک انسان کی جان بچانے کو پوری انسانیت کی جان بچانے کے برابر قرار دیا ہے:

وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا (سورۃ المائدہ: 32)

ترجمہ:

اور جس نے ایک جان بچائی گویا اس نے تمام انسانوں کی جان بچائی۔

اس آیت سے معلوم ہوتا ہے کہ جو عمل کسی انسان کی جان بچانے کا ذریعہ بنے، وہ پسندیدہ ہے، اور خون کا عطیہ عموماً اسی مقصد کے لیے دیا جاتا ہے۔

اسی طرح قرآنِ مجید میں یہ اصول بھی بیان کیا گیا ہے کہ شدید مجبوری اور ضرورت کے وقت وہ چیزیں بھی جائز ہو جاتی ہیں جو عام حالات میں ممنوع ہوتی ہیں، چنانچہ اللہ تعالیٰ فرماتے ہیں:

فَمَنِ اضْطُرَّ غَيْرَ بَاغٍ وَلَا عَادٍ فَلَا إِثْمَ عَلَيْهِ (سورۃ البقرۃ: 173)

ترجمہ:

جو شخص مجبوری میں ہو، نہ حد سے بڑھنے والا ہو نہ نافرمانی کرنے والا، تو اس پر کوئی گناہ نہیں۔

خون کا پینا تو حرام ہے، مگر علاج اور جان بچانے کی ضرورت کے تحت اس کا استعمال اور عطیہ دینا اس آیت کے اصول کے مطابق جائز ہے۔

احادیثِ نبویہ ﷺ میں بھی مسلمانوں کو ایک دوسرے کی مدد کرنے اور تکلیف دور کرنے کی ترغیب دی گئی ہے۔ رسول اللہ ﷺ نے فرمایا:

وَاللّٰهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ (صحیح مسلم)

ترجمہ:

اللہ بندے کی مدد میں رہتا ہے جب تک بندہ اپنے بھائی کی مدد میں رہتا ہے۔

نیز ایک مشہور اصولی حدیث میں نبی کریم ﷺ نے فرمایا: لَا ضَرَرَ وَلَا ضِرَارَ (سنن ابن ماجہ)

ترجمہ:

نہ خود کو نقصان پہنچاؤ اور نہ دوسرے کو نقصان دو۔

یعنی نہ خود کو نقصان پہنچانا جائز ہے اور نہ دوسروں کو، لہٰذا اگر ماہر ڈاکٹر کی رائے کے مطابق خون دینے سے خون دینے والے کو نقصان نہ ہو تو یہ عمل جائز ہے۔

بعض اہلِ علم کے نزدیک خون کا عطیہ دینے کی اجازت شاید اس بنیاد پر نہیں ہے کہ خون جب انسانی جسم سے خارج ہو جاتا ہے تو وہ شرعاً نجس قرار پاتا ہے، اور شریعت میں نجس چیز کا استعمال اور خرید و فروخت جائز نہیں۔ ہوسکتا ہے اسی اصول کی بنا پر وہ حضرات خون کے عطیے کے بارے میں احتیاط یا عدمِ جواز کا قول اختیار کرتے ہونگے ۔

خلاصہ کلام یہ ہے کہ مسلمان خون کا عطیہ دے سکتا ہے، بشرطیکہ وہ صحت مند ہو، خون دینے سے اس کی جان یا صحت کو خطرہ نہ ہو، اور اس کی نیت اللہ کی رضا اور انسان کی جان بچانا ہو۔ ایسے حالات میں خون کا عطیہ دینا ایک نیکی، صدقہ اور قابلِ اجر عمل ہے۔

Islam mein Valentine day ki kya haisiyat hai? - اسلام میں ویلنٹائن ڈے (يوم عاشقان) کی کیا حیثیت ہے؟

Jawab:✍

Ji haan, musalman khoon ka atiya de sakta hai, balkeh agar uss ka maqsad kisi insaan ki jaan bachana ya ilaaj mein madad karna ho to yeh amal shar‘an jaaiz hai, ba-shart yeh ke khoon dene wale ki sehat ko nuqsaan na pohanche.

Qur’an-e-Kareem mein Allah Ta‘ala ne ek insaan ki jaan bachane ko poori insaniyat ki jaan bachane ke barabar qarar diya hai:

Tarjuma:

Aur jis ne ek jaan bachayi goya uss ne tamam insaanon ki jaan bachayi. (Surah Al-Ma’idah: 32)

Is aayat se maloom hota hai ke jo amal kisi insaan ki jaan bachane ka zariya banay, woh pasandeedah hai, aur khoon ka atiya (blood donation) aam tor par isi maqsad ke liye diya jata hai.

Isi tarah Qur’an-e-Majeed mein yeh usool bhi bayan kiya gaya hai ke shadeed majboori aur zaroorat ke waqt woh cheezen bhi jaaiz ho jati hain jo aam halaat mein mam-noo hoti hain, chunanche Allah Ta‘ala farmate hain:

Tarjuma:

Jo shakhs majboori mein ho, na had se barhne wala ho na nafarmaani karne wala, to us par koi gunaah nahin. (Surah Al-Baqarah: 173)

Khoon ka peena to haraam hai, magar ilaaj aur jaan bachane ki zaroorat ke tehat is ka istemal aur atiya dena is aayat ke usool ke mutabiq jaaiz hai.

Ahadees-e-Nabviya ﷺ mein bhi musalmanon ko ek doosre ki madad karne aur takleef door karne ki targheeb di gayi hai. Rasool Allah ﷺ ne farmaya: Sahih Muslim ki hadees hai,

Tarjuma:

Allah banday ki madad mein rehta hai jab tak banda apne bhai ki madad mein rehta hai.

Neez ek mashhoor usooli hadees mein Nabi Kareem ﷺ ne farmaya- Tarjuma:

Na khud ko nuqsaan pohanchao aur na doosre ko nuqsaan do. (Sunan Ibn Majah)

Yani na khud ko nuqsaan pohanchana jaaiz hai aur na doosron ko, lehaza agar maahir doctor ki raaye ke mutabiq khoon dene se khoon dene wale ko nuqsaan na ho to yeh amal jaaiz hai.

Baaz ahl-e-‘ilm ke nazdeek khoon ka atiya dene ki ijazat shayad is bunyaad par nahin hai ke khoon jab insani jism se kharij ho jata hai to woh shar‘an najis qarar pata hai, aur shari‘at mein najis cheez ka istemal aur khareed-o-farokht jaaiz nahin. Ho sakta hai isi usool ki bina par woh hazraat khoon ke atiye ke bare mein ehtiyaat ya adam-e-jawaz ka qawl ikhtiyar karte honge.

Khulasa-e-kalam yeh hai ke musalman khoon ka atiya de sakta hai, ba-shart yeh ke woh sehatmand ho, khoon dene se uss ki jaan ya sehat ko khatra na ho, aur uss ki niyyat Allah ki raza aur insaan ki jaan bachana ho. Aise halaat mein khoon ka atiya dena ek neki, sadqa aur qabil-e-ajr amal hai.

Kya ek Muslim ghair Muslim ko khoon donate karsakta hai? - کیا ایک مسلم غیر مسلم کو خون عطيہ کر سکتا ہے؟

والله ورسوله اعلم بالصواب

محمد عظمت الله نظامي عفی عنہ

Like & Share on Whatsapp, Facebook, twitter, Pinterest