حضرت غوث اعظم عالم رباني محبوب سبحاني شیخ عبدالقادر جیلانی (رحمۃ اللہ علیہ)

حضور رسالت مآب صلى الله عليه وسلم جس طرح سلطان الانبياء ، امام الرسل ہیں اسی طرح حضرت محبوب سبحانی سلطان الاولیاء امام العلماء کے مرتبہ پر فائز ہیں، آپ حضرت ابو صالح موسی بن عبد اللہ (والد) کے مکان واقع جیلان میں بتاریخ 29 شعبان المعظم 471 ھ میں پیدا ہوئے ، (والدہ کا نام أم الخیر فاطمہ) آپ کا نام نامی اسم گرامی "عبد القادر" اور کنیت ابو محمد اور اپنے علم و عمل ، وعظ ونصیحت اور محنت و مشقت سے دین کو زندہ کر دینے کی وجہ سے آپ کا لقب محی الدین ہے۔

آپ کی ولادت با سعادت خلفائے بنی عباسیہ کے خلیفہ مقتدر باللہ کے زمانہ میں ہوئی، جس کا پایہ تخت بغداد تھا ، سلطنت اسلامیہ کے اس پایہ تخت میں مشاہیر عالم علماء کرام ، اولیاء عظام بکثرت تھے، ان میں حضرت محبوب سبحانی ممتاز تھے کہ مرتبہ ولایت، شکم مادر ہی سے حاصل تھا، بچپن ہی سے سچائی آپ کا شعار تھا، اسی سچائی کی وجہ سے ڈاکوؤں کا سردار مع اپنی ٹولی کے ڈاکہ زنی سے تائب اور اپنی بداعمالیوں پر نادم ہوا اور آپ کی فیض صحبت سے اتقیاء اور صالحین کے زمرہ میں شامل ہوا، جب آپ علم دین کی تحصیل سے فارغ ہوئے تو دین اور علم کی اشاعت میں مشغول ہو گئے ۔ حضرت محبوب سبحانی 23 برس تک درس و تدریس کا فریضہ انجام دیتے رہے اور آپ کے درس سے بے شمار شاگرد فیضیاب ہوئے ، اس میں جنات بھی کثیر تعداد میں شریک درس ہوتے ۔ خدمت افتاء: دوران درس افتاء یعنی سوالات کے زبانی اور تحریری جوابات بھی دیتے تھے ، سوال پڑھنے کے بعد کسی کتاب کا مطالعہ کئے بغیر جواب تحریر فرما دیتے جو بالکل صحیح ہوتا تھا۔ 521ھ سے وعظ و تبلیغ کا سلسلہ شروع کر دیا تھا، جس کا سلسلہ چالیس برس تک جاری رہا، اس مدت میں کتنے بد اعمال اپنی بداعمالیوں سے تائب ہوئے، یہود و نصاری جو آپ کی مجلس میں حاضر رہتے ، مشرف بہ اسلام ہوتے ، وعظ میں یہ کشش و اثر تھا کہ سامعین بہت سے بے ہوش ہو جاتے اور کئی مضطرب و بے قرار ہو کر آہ و بکا کرتے ۔ خود آپ کا بیان ہے کہ ” میری مجلس وعظ کے اندر میرے ہاتھ پر تو بہ کرنے والوں کی تعداد ایک لاکھ سے متجاوز ہے ۔ یہ وہ لوگ نہیں تھے جن کو آپ نے اپنے ہاتھ پر تو بہ کرنے یا مشرف بہ اسلام ہونے کے لئے فراہم کیا تھا بلکہ وہ تھے جو اکثر آپ کے خلاف خیالات رکھتے تھے مگر مجلسِ وعظ میں وعظ سن کر متاثر ہو جاتے تھے۔ آپ نے جو جدو جہد کی اور اس سلسلہ عالیہ میں جن لوگوں نے آپ کے دست حق پرست پر بیعت کی ان کی تعداد حد و شمار سے باہر ہے اور اب بھی یہ سلسلہ قادریہ جاری ہے اور إن شاء اللہ قیامت تک جاری رہے گا۔ اس کے علاوہ آپ نے تصنیف و تالیف کے ذریعہ بھی دین الہی کی اشاعت کی اور مخلوق خدا کو دین کی دعوت دی، یوں تو آپ کی تصانیف بے شمار ہیں، جن میں "فتوح الغیب" بہت ہی مشہور و معروف ہے، جس میں کتاب وسنت کے مطابق چلنے پر نہایت زور دیا گیا ہے، خلاف شریعت امور کی پر زور تردید کی گئی ہے۔ عالم مسلمان خصوصاً آپ کے شیدائی اور قادری کہلانے پر فخر کرنے والے جن کے لئے یقیناً یہ نسبت قابل فخر ہے اور ان پر لازم ہے کہ حضرت شاہ جیلان جس طرح خدا اور رسول خدا ﷺ کے احکام کی پابندی فرماتے تھے اور ہمیشہ آپ کے پیش نظر اسوہ رسول ﷺ تھا اسی طرح حسب استعداد و صلاحیت عمل پیرا ہو جائیں تو بلا شبه قادری نسبت نہ صرف باعث فخر و مباہات ہوگی ؛ بلکہ موجب نجات و فلاح و باعثِ خیر و برکات ہوگی۔

(امیر ملت حضرت مولانا مفتی محمد عبد الحمید ، سابق شیخ الجامعہ جامعہ نظامیہ )

Hazrat Ghouse-e-Azam Mahboob Subhani Sheikh Abdul Qadir Jilani (Rahmatullah Alaih)

Huzoor Risalat Ma'ab ﷺ jis tarah Sultan-ul-Anbiya, Imam-ur-Rusul hain, usi tarah Hazrat Mahboob Subhani Sultan-ul-Awliya, Imam-ul-Ulama ke rutbe par fa'iz hain. Aap Hazrat Abu Saleh Musa bin Abdullah (Walid) ke makan waqe (located) Jilan mein 29 Shaban-ul-Mu'azzam 471 Hijri mein paida hue. Aap ki walida ka naam Umm-ul-Khair Fatima tha. Aap ka naam-e-nami "Abdul Qadir" aur kuniyat Abu Muhammad thi. Apne ilm o amal, waaz o naseehat aur mehnat o mushaqqat se deen ko zinda kar dene ki wajah se aap ka laqab "Muhiuddin" hai.

Aap ki wiladat ba sa'adat Khulafa-e-Bani Abbasiyya ke khalifa Muqtadir Billah ke zamane mein hui, jiska paya-e-taakht Baghdad tha. Is saltanat-e-Islamiya ke paya-e-taakht mein mashahir-e-alam ulama-e-kiram, aur auliya-e-azam ki kasrat thi. Inmein Hazrat Mahboob Subhani mumtaz thay ke martaba-e-wilayat shikam-e-madar hi se hasil tha.

Bachpan hi se sachai aap ka shi'aar tha. Isi sachai ki wajah se dako'on ka sardar apni toli ke saath daaka zani se ta'ib aur apni bad-a'maliyon par nadim hua aur aap ki faiz sohbat se muttaqiyon aur saliheen ke zummaray mein shaamil hua. Jab aap ilm-e-deen ki tahseel se farigh hue, to deen aur ilm ki isha'at mein mashghool ho gaye.
Hazrat Mahboob Subhani 23 saal tak dars o tadrees ka fariza anjam dete rahe aur aap ke dars se beshumar shagird faiziyaab hue, jin mein jinnat bhi kasrat se shareek dars hote.

Khidmat-e-Ifta:
   Doran-e-dars ifta yani sawaalon ke zabani aur tehreeri jawabaat bhi dete thay. Sawal padhne ke baad kisi kitab ka mutala kiye baghair jawab tehreer farmate jo bilkul sahih hota. 521 Hijri se waaz o tabligh ka silsila shuru kar diya tha, jo 40 saal tak jaari raha. Is muddat mein kitne bad-a'mal apni bad-a'maliyon se ta'ib hue. Yahood o Nasara jo aap ki majlis mein haazir rehte, musalman ho jaate. Waaz mein yeh kashish aur asar tha ke samayeen mein se bohot se behosh ho jaate aur kai muztarib o bayqaraar ho kar aah o buka karte.
Khud aap ka bayan hai ke: "Meri majlis-e-waaz ke andar mere haath par toba karne walon ki tadaad ek lakh se mutajawiz hai." Yeh woh log thay jo aksar aap ke khilaf khayalat rakhte thay magar majlis-e-waaz mein waaz sun kar mutasir ho jaate thay.
   Aap ne jo jidd-o-jahd ki aur is silsila-e-aaliya mein jin logon ne aap ke dast-e-haqq parast par bai'at ki unki tadaad had-o-shumar se baahir hai aur ab bhi yeh silsila Qadriya jaari hai aur In-sha'Allah qayamat tak jaari rahega.
   Iss ke ilawa aap ne tasneef-o-taleef ke zariye bhi deen-e-ilahi ki isha'at ki aur makhlooq-e-khuda ko deen ki dawat di. Yun to aap ki tasaneef beshumar hain, jin mein "Futuh-ul-Ghaib" bohot hi mashhoor o ma'roof hai, jis mein kitaab-o-sunnat ke mutabiq chalne par nihayat zor diya gaya hai aur khilaaf-e-shariat umoor ki purzor tareed ki gayi hai.
   Aalam-e-Musliman khususan aap ke shaidai aur Qadri kehlane par fakhr karne wale jin ke liye yaqeenan yeh nisbat qabil-e-fakhr hai. Un par lazim hai ke Hazrat Shah-e-Jilan jis tarah Allah aur Rasool Allah ﷺ ke ahkaam ki pabandi farmate thay aur hamesha aap ke pesh nazar uswa-e-Rasool ﷺ tha, usi tarah apni istita'at aur salahiyat ke mutabiq amal-pira ho jaayein. To bila shuba Qadri nisbat na sirf bais-e-fakhr-o-mubahat hogi balki mujib-e-nijaat-o-falah aur bais-e-khair-o-barakaat hogi.

Like & Share on Whatsapp, Facebook, twitter, Pinterest.