السلام عليكم ورحمة الله وبركاته

بسم الله الرحمن الرحيم

الحمد لله رب العالمين والصلاة والسلام على أشرف الأنبياء والمرسلين وعلى آله وصحبه اجمعين

سوال:-

استخارہ کیا ہے اور اس کا کیا مطلب ہے؟

Sawal:-

Istikhara kya hai aur uska kya matlab hai?

جواب:- ✍

استخارہ کا مطلب ہے اللہ تعالیٰ سے کسی جائز کام کیلئے خیر و بھلائی طلب کرنا اور کسی معاملے میں رہنمائی حاصل کرنا۔ یہ ایک خاص دعا ہے جو دو رکعت نفل نماز کے بعد کسی اہم فیصلے یا مشکل میں، کسی جائز کام یا عمل کی اچھی یا بُری تاثیر کو جاننے کے لئے کی جاتی ہے۔ استخارہ کے ذریعے بندہ اللہ تعالیٰ سے خیر اور بھلائی طلب كرتا ہے تاکہ جو بھی فیصلہ کیا جائے، وہ اللہ کی مرضی اور برکت کے مطابق ہو۔

استخارہ کا طریقہ:

استخارہ کرنے کا مسنون طریقہ یہ ہے کہ دو رکعت نفل نماز اس طرح سے ادا کریں کہ پہلی رکعت میں سورۃ الکافرون اور دوسری رکعت میں سورۃ الاخلاص پڑھیں ۔ پھر درج ذیل دعا پڑھیں، جس میں اللہ تعالیٰ سے اس کام میں خیر کی دعا کی جاتی ہے۔

اس دعا میں اللہ تعالیٰ سے یہ طلب کیا جاتا ہے کہ اگر یہ کام میرے لئے اچھا ہو تو اسے میرے لئے آسان بنا دے، اور اگر یہ کام میرے لئے نقصان دہ ہو تو مجھے اس سے بچا لے اور میرے لئے خیر کا فیصلہ فرما دے۔

اَللّٰهُمَّ إِنِّیْ أَسْتَخِيْرُکَ بِعِلْمِکَ، وَأَسْتَقْدِرُکَ بِقُدْرَتِکَ، وَأَسْأَلُکَ مِنْ فَضْلِکَ الْعَظِيْمِ، فَإِنَّکَ تَقْدِرُ وَلَا أَقْدِرُ، وَتَعْلَمُ وَلَا أَعْلَمُ، وَأَنْتَ عَلَّامُ الْغُيُوْبِ. اَللَّهُمَّ اِنْ کُنْتَ تَعْلَمُ أَنَّ هَذَا الْأَمْرَ. . . (يہاں اپنی حاجت کا ذکر کرے) . . . خَيْرٌ لِیْ، فِيْ دِيْنِيْ وَمَعَاشِيْ وَعَاقِبَةِ أَمْرِيْ، فَاقْدُرْهُ لِيْ وَيَسِّرْهُ لِيْ، ثُمَّ بَارِکْ لِيْ فِيْهِ، وَإنْ کُنْتَ تَعْلَمُ أَنَّ هٰذَا الْأَمْرَ. . . (یہاں اپنی حاجت کا ذکر کرے) . . . شَرٌّ لِّيْ، فِيْ دِيْنِيْ وَمَعَاشِيْ وَعَاقِبَةِ أَمْرِيْ، فَاصْرِفْهُ عَنِّي وَاصْرِفْنِيْ عَنْهُ، وَاقْدُرْ لِيَ الْخَيْرَ حَيْثُ کَانَ، ثُمَّ أَرْضِنِيْ بِهِ.

رسول اللہ صلی اللہ علیہ وسلم ہمیں تمام معاملات میں استخارہ کی تعلیم دیتے تھے، قرآن کی سورت کی طرح، نبی کریم صلی اللہ علیہ وسلم نے فرمایا: جب تم میں سے کوئی شخص کسی ( مباح ) کام کا ارادہ کرے ( ابھی پکا عزم نہ ہوا ہو ) تو دو رکعات ( نفل ) پڑھے اس کے بعد یوں دعا کرے:

ترجمہ:

’’اے اللہ! بے شک میں (اس کام میں) تجھ سے تیرے علم کی مدد سے خیر مانگتا ہوں اور (حصولِ خیر کے لیے) تجھ سے تیری قدرت کے ذریعے قدرت مانگتا ہوں اور میں تجھ سے تیرا فضل عظیم مانگتا ہوں، بے شک تو (ہر چیز پر) قادر ہے اور میں (کسی چیز پر) قادر نہیں، تو (ہر کام کے انجام کو) جانتا ہے اور میں (کچھ) نہیں جانتا اور تو تمام غیبوں کا جاننے والا ہے۔ اے اللہ! اگر تو جانتا ہے کہ یہ کام (جس کا میں ارادہ رکھتا ہوں) میرے لیے، میرے دین، میری زندگی اور میرے انجام کار کے لحاظ سے بہتر ہے تو اسے میرے لیے مقدر کر اور آسان کر پھر اس میں میرے لیے برکت پیدا فرما اور اگر تیرے علم میں یہ کام میرے لیے میرے دین، میری زندگی اور میرے انجام کار کے لحاظ سے برا ہے تو اس (کام) کو مجھ سے اور مجھے اس سے پھیر دے اور میرے لیے بھلائی عطا کر جہاں (کہیں بھی) ہو پھر مجھے اس کے ساتھ راضی کر دے۔‘‘

استخارہ کا مقصد:

استخارہ کا بنیادی مقصد اطمینان اور قلبی سکون حاصل کرنا ہے۔ استخارہ کے بعد دل کا جو بھی رجحان ہو یا جو بھی آسانی پیدا ہو، وہی اللہ تعالیٰ کی طرف سے نیکی اور خیر کی نشانی ہے۔

اگر ایک بار میں دل کو اطمینان نہ ملے تو یہ عمل سات دن تک دہرائیں، انشاء اللہ بہت بھلائی حاصل ہو گی۔

استخارہ کا کوئی خاص وقت نہیں ہے، لیکن بہتر ہے کہ رات کو سونے سے پہلے جب پر سکون ماحول ہو استخارہ کر لیا جائے ، لیکن خواب دیکھنا ضروری نہیں، اصل چیز دل کا رجحان اور اطمینان ہے۔

Jawab:- ✍

Istikhara ka matlab hai Allah Ta'ala se kisi jaiz kaam ke liye khair o bhala'ee talab karna aur kisi maamlay mein rehnumai hasil karna. Yeh ek khaas Dua hai jo do (2) rakat nafil namaz ke baad kisi ahem faislay ya mushkil mein, kisi jaiz kaam ya amal ki achi ya buri taseer ko jaan-ne ke liye ki jati hai. Istikhara ke zariye banda Allah Ta'ala se khair aur bhala'ee talab karta hai taake jo bhi faisla kiya jaye, woh Allah ki marzi aur barkat ke mutabiq ho.

Istikhara ka Tareeqah:

Istikhara karne ka masnoon tareeqa yeh hai ke do (2) rakat nafil namaz is tarah se ada karein ke pehli rakat mein Surah Al-Kafiroon aur doosri rakat mein Surah Al-Ikhlas pardhein. Phir darj-zail Dua pardhein, jis mein Allah Ta'ala se is kaam mein khair ki Dua ki jati hai.

Is Dua mein Allah Ta'ala se yeh talab kiya jata hai ke agar yeh kaam mere liye acha ho to ise mere liye asaan bana de, aur agar yeh kaam mere liye nuqsan deh ho to mujhe is se bacha le aur mere liye khair ka faisla farma de.

Rasool Allah ﷺ hamen tamam maamlaat mein istikhara ki taleem dete thay, Quran ki surat ki tarah. Nabi Kareem ﷺ ne farmaya: "Jab tum mein se koi shakhs kisi (jaiz) kaam ka irada kare (abhi paka azm na hua ho), to do rakat (nafil) padhe aur uske baad yun dua kare:

Tarjumah:

“Aey Allah! Beshak mein (is kaam mein) tujh se tere ilm ke zariye khair mangta hoon aur (husool-e-khair ke liye) tujh se teri qudrat ke zariye qudrat mangta hoon aur mein tujh se tera fazl-e-Azeem mangta hoon. Beshak tu (har cheez par) qadir hai aur mein (kisi cheez par) qadir nahi, tu (har kaam ke anjaam ko) jaanta hai aur mein (kuch) nahi jaanta aur tu tamam ghaibon ka jaan-ne wala hai. Aey Allah! Agar tu jaanta hai ke yeh kaam (jis ka mein irada rakhta hoon) mere liye, mere deen, meri zindagi aur mere anjaam ke lehaz se behtar hai to ise mere liye muqaddar kar aur asaan kar aur phir ismein mere liye barkat paida farma. Aur agar tere ilm mein yeh kaam mere liye, mere deen, meri zindagi aur mere anjaam ke lehaz se bura hai to is (kaam) ko mujh se aur mujhe is se phair de aur mere liye bhalayi ata kar jahan (kahin bhi) ho phir mujhe iske saath raazi kar de.”

Istikhara ka Maqsad:

Istikhara ka buniyadi maqsad itminan aur qalbi sukoon hasil karna hai. Istikhara ke baad dil ka jo bhi rujhan ho ya jo bhi asaani paida ho, wohi Allah Ta'ala ki taraf se neki aur khair ki nishani hai.

Agar ek martaba mein dil ko itminan na mile to yeh amal saat din tak dohraein (repeat karen), In-Sha Allah bohat bhalayi hasil hogi.

Istikhara ka koi khaas waqt nahi hai, lekin behtar hai ke raat ko sone se pehle jab pur sukoon mahol ho istikhara kar liya jaye. Lekin, khwab dekhna zaroori nahi, asal cheez dil ka rujhan aur itminan hai.

والله ورسوله اعلم بالصواب

محمد عظمت الله نظامي عفی عنہ

Like & Share on Whatsapp, Facebook, twitter, Pinterest