جمعہ کے خطبہ میں حضرت سیدنا ابوبکر صدیق رضی اللہ عنہ کے والد کا نام کیوں نہیں لیا جاتا؟ - Jumaah ke khutbe me Hazrat syedna Abu-bakr Siddique ke Walid ka naam kyun nahi liya jata?

 

السلام عليكم ورحمة الله وبركاته

بسم الله الرحمن الرحيم

الحمد لله رب العالمين والصلاة والسلام على أشرف الأنبياء والمرسلين وعلى آله وصحبه أجمعين أما بعد

سوال:- السلام علیکم ورحمۃ اللہ وبرکاتہ ایک سوال: جمعہ کے خطبہ میں حضرت سیدنا ابوبکر صدیق رضی اللہ عنہ کے والد کا نام کیوں نہیں لیا جاتا؟ جب کے تمام خلفاء رضی اللہ عنہم کے والد کا نام لیا جاتا ہے۔ جواب:-✍ وعليكم السلام ورحمة الله وبركاته انسانی روایت رہی ہے کہ جب بھی کسی کا نام لیا جاتا ہے تو اس کے ساتھ اس کے والد کا نام بهي لیا جاتا ہے۔ تاکہ مخاطب کو اس شخص کے تعین میں پریشانی نہ ہو اس لئے کہ ایک ہی نام کے کئی لوگ ہوتے ہیں۔ اور جب نام کے علاوہ لوگوں میں کسی کا لقب، کنیت اور تخلص مشہور ہوجاتا ہے تو اس لقب، تخلص اور کنیت کے بعد والد کے نام کا ذکر كرنے کی حاجت باقی نہیں رہ جاتی۔ خطبۂ جمعہ میں خلفاء ثلاثہ (عمر، عثمان ، علي رضی اللہ عنہم) کے نام  کے ساتھ ان کے والد کا نام اس لئے لیا جاتا ہے کہ ان ناموں کے بہت سے صحابہ ، تابعین ، تبع تابعین بزرگانِ دین گزرے ہیں اگر خطبۂ جمعہ میں خلفاء ثلاثہ کے نام کے ساتھ ان کے والد کا ذکر نہ کیا جائے تو سامعین کو شبہ ہو سکتا ہے۔ واضح ہو کہ حضرت ابوبکر صدیق رضی اللہ عنہٗ کا نام عبداللہ بن ابی قحافہ عثمان ہے۔ اور آپ لقب "صدیق" سے اس امّت میں اتنے مشہور ہیں کہ ابوبکر اور عبداللہ بہت سے گزرے ہیں مگر ان میں کوئی "صدیق" لقب والا نہیں ہے۔ اور خطبۂ جمعہ میں لقب "ابوبکر صدیق" کا ذکر کیا جاتا ہے جس کے بعد والد کا نام ذکر کرنے کی حاجت نہیں رہ جاتی۔ اس کے باوجود اگر کوئی خطیب آپ رضی اللہ عنہ کے والد کا نام ذکر کرنا چاہتا ہے تو كرسكتا ہے۔

Sawal:- Assallamualaikum warahmatullahi wa barkatahu Ek sawaal: Jumaah ke khutbe me Hazrat syedna Abu-bakr Siddique (May Allah be pleased with him) ke Walid ka naam kyun nahi liya jata? Jabke tamaam khulafa ke Walid ka naam liya jata hai. Jawab: ✍ Walaikum assalam wa Rahmatullahi wa Barakatuh Insaani riwayat rahi hai keh jab bhi kisi ka naam liya jata hai to usko uske waalid ke naam ke sat zikar kiya jata hai. Taakeh mukhatab ko us shaks ke ta taayyun main pareshani nah ho, is liye ke ek hi naam ke kai log hotay hain. Aur jab naam ke alawah logon main kisi ka laqab, kunniyat aur takhallus mashhoor hojata hai to us laqab, kunniyat aur takhallus ke bad waalid ke naam ka zikar kane ki hajat baqi nahi rah jati. Khutba-e-Jumma main Khulfa-e-Salasah (Umar , Usmaan, Ali رضی اللہ عنہم) ke naam ke sath un ke waalid ka naam is liye jata hai ke un naamon ke bohat se sahaba, taba’een, tba taba’een buzurgan-e-deen guzray hain agar Khutba-e-Jumma main Khulfa-e-Salasah ke naam ke sath un ke waalid ka zikar nah kiya jaye to samaeen (Listeners) ko shuba ho sakta hai. Wazeh ho ke Hazrat Abu-bakr Siddique (May Allah be pleased with him) ka Naam Abdullah bin Abu Qahafa Usmaan hai. Aur aap laqab "Siddique" se is Ummat main itnay mashhoor hain ke Abubakr aur Abdullah bohat se guzray hain magar un main koi "Siddique" laqab wala nahi hai. Aur Khutba-e-Jumma main laqab "Abubakr Siddique" ka zikar kiya jata hai jis ke baad waalid ka naam zikar karne ki haajat nahi reh jati. Is ke Alawah agar koi khateeb Aap (Razi Allahu Anho) ke waalid ka naam zikar karta hai to jaaiz hai.

واللہ ورسولہ اعلم ، عزوجل وصلی اللہ تعالی علیہ وسلم

مولوي حافظ محمد عظمت الله نظامي

Contact karne ke liye yaha click karen

Allah walon se dosti karna chahate hain to yaha click karen